Ukrayina devlet başı Volodımır Zelenskıy musulmanlarnen iftarda iştirk etti ve bunıñ resmiy seviyede bir adet olacağını bildirdi. Bunı "Ukrinform" haber etti.
Musulman askerler, diplomatik korpusnıñ temsilcileri ve Qırımtatar Milliy Meclisiniñ iştiragi ile keçirilgen iftarda Volodımır Zelenskıy, bunıñ musulmanlarnıñ Muqaddes Ramazan ayında yañı bir resmiy adetniñ başlanğıçı olacağını bildirdi.
"Bugün biz qaramanlarımız, Qırımtatar Milliy Meclisi ve Ukrayinadaki bütün Musulman toplulığınıñ temsilcileri ile birlikte Ukrayina içün böyle bir adetni – resmiy seviyede İftar başlatamız. Bunen, Ukrayinanıñ er bir insanğa, er bir toplulıqqa qıymet bergenini kösteremiz", - dedi Zelenskıy.
O, sayğı ile pekitilgen çeşitlilik mustaqil Ukrayinanıñ hasiyetiniñ bir qısmıdır, dep qayd etti.
"Ve bu hasiyetimiz daima qaviyleşsin ve bizlerni yahşı işlerge yönetsin", - dedi o.
Zelenskıy, Ukrayina, devletteki musulmandarğa ve ukrayinler ile beraber sulh ve yamanlıqtan qorunma içün ğayret etken dünyadaki bütün musulman toplulığına minnetdar olğanını bildirdi.
İftar Muqaddes Ramazan ayındaki aqşam yemegi. İftar yerli saatqa köre, aqşam namazı vaqtınen doğru kele.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
