Ukrayina arbiyleri Kursk vilâyetinde Şimaliy Koreyadan eki arbiyni esir aldı, dep bildirdi Ukrayina prezidenti Volodımır Zelenskıy.
"Bu, yaralanğan, amma sağ qalğan eki askerdir, olar Kıyivge ketirildi, olar SBU taqiqatçılarınen laf eteler", — dep qayd etti Zelenskıy.
Onıñ aytqanına köre, bu "ağır bir vazife edi": "Rusiye ve Şimaliy Koreyanıñ diger arbiyleri yaralanğanlarnı öldüre ve diger bir devletniñ Ukrayinağa qarşı cenkte iştirak etmesini isbatlamaq içün deliller olması içün elinden kelgenini yapalar".
"ZSU Mahsus ameliyatlar quvetleriniñ 84-nci taktik gruppasınıñ askerlerimizge ve bu eki insannı esir alğan desant askerlerimizge minnetdarım. Bütün esirler kibi, bu eki Şimaliy Koreya askerine kerekli tibbiy yardım kösterile", — dep qayd etti Zelenskıy.
Onıñ qayd etkenine köre, o, "SBU-ğa jurnalistlerge esirlerge irişimni temin etmege emir etti".
"Dünya neler olğanını bilmeli", — dep qayd etti Ukrayina prezidenti.
Rusiye akimiyeti bu malümatnı daa resmiy şekilde izaatlamadı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
