Ukrayina devlet başı Volodımır Zelenskıy Rusiye prezidenti Vladimir Putin cenkniñ devamına daa yahşı azırlanmaq içün "Milât bayramı mutakeresi"ni qullanmaqnı planlaştırğanını saya.
"Şimdi olar Donbasta bizimkilerniñ ilerilemisini bir müddet toqtatmaq ve tehnika, arbiy yedekler ve seferber etilgenlerni bizim mevzilerimizge yaqınlaştırmaq içün Milât bayramını qullanmaq isteyler. Bu ne berecek? Ğayıplarnıñ artmasını. Dünyada er kes Kremlniñ teneffüsni cenkni yañı quvet ile devam etmek içün qullanacağını bile'', - dedi o.
ABD prezidenti de Putinniñ teklif etkeni "Milât bayramı mutakeresi"ne buña oşağan qıymet kesti.
Yanvarniñ 5-nde Rusiye prezidenti Vladimir Putin RF Mudafaa naziri Sergey Şoyguğa pravoslav Milât bayramında yanvarniñ 6-sı saat 12:00-den yanvarniñ 7-si saat 24:00-nece ateşni toqtatuv rejimini tayin etmege buyurdı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
