Ukrayina prezidenti Volodımır Zelenskıy Büyük Briatniya baş naziri vazifesini terk etken Boris Johnsonğa yardım ve işbirlik içün teşekkür etti ve ükümetniñ yañı yolbaşçsı Liz Truss ile de işbirlik beklegenini bildirdi.
"Bugün Büyük Britaniya baş naziri ve halqımıznıñ yaqın dostu Boris Johnson itifağa çıqa. Amma inanam ki, o, siyasiy faaliyetini terk etmeycek ve Ukrayin, Britaniya ve bütün düânda azatlıqnıñ mudafaasını desteklemege devam etecek... Bugün men bütün Ukraiyna halqı adından Boriske teşekkür ettim, eminim ki bu kerçekten de, bir çoq ukrayinniñ adından. Artıq Boris ile işbirligimizni yañı statusta devam ettirmekni sabırsızlıqnen bekleyim", - dedi Zelenskıy.
Volodımır Zelenskıy Büyük Britaniya ükümetiniñ yañı yolbaşçısı Liz Truss ile işbirlik beklegenini qayd etti.
"Ukrayinada onı pek yahşı bilemiz - o, daima Avropa siyasetiniñ eyi tarafında oldı. Men inanam ki, biz birlikte halqlarımıznı qorumaq ve Rusiyeniñ bütün bozucı ıntıluvlarını berbat etmek içün daa çoq şey ete bilecekmiz. Esası, birligimizni saqlamaq ve bu mıtlaqa olacaq", - dep qoştı devlet başı.
Sentâbrniñ 5-nde Büyük Britanâi TİN yolbaşçısı Liz Truss ükümran Konservativ fırqanıñ yañı yolbaşçısı ve memleketniñ baş naziri oldı.
Liz Truss baş nazir vazifesinde onıñ ilk telefon etecek şahs Ukrayina prezidenti Volodımır Zelenskıy olacağını vade etken edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
