Ukrayina prezidenti Volodımır Zelenskıy Büyük Britaniya baş naziri Boris Johnson ile telefondan laf etti.
Prezident ofisiniñ matbuat hızmetiniñ haber etkenine köre, ilân etilgen istifa sebepten, Zelenskıy Johnsonğa "Rusiyeniñ keniş mıqyaslı tecavuzınıñ ilk künlerinden Ukrayinağa küçlü ve uzlaşıcısız destek ve halqara meydançıqlarda Ukrayina menfaatlarınıñ mudafaasında liderlik içün samimiy minnetdarlıq" bildirdi.
"Epimiz bu haberni kedernen qabul ettik. Tek men degil, bütün ukrayina cemiyeti de. Bütün ofisim ve ukrayinler sizge minnetdarlar. Büyük Britaniyanıñ destegi devam etecegine şübemiz yoq, amma siziñ liderligiñiz ve harizmañız onı hususiy ete edi", - dep qayd etti o.
Büyük Britaniya baş naziri Boris Johnson istifası aqqında iyülniñ 7-nde ilân etti.
Bu vazifede o 2019 senesi dekabr ayından bulundı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
