Ukrayina prezidenti Volodımır Zelenskıy video konferentsiyası vastası ile G7 liderlerine muracaat etip, kelecek Rusiyeniñ şimdiki tecavuzı kibi munaqaşalar olmaması içün Ukrayina içün telükesizlik kefaletleri üzerinde işke qoşulmağa çağırdı.
Aynı zamanda o, Rusiyeniñkeniş mıqyaslı istilâsı zamanı Ukrayinanıñ mudafaası ve maliyeviy destegi, Rusiyege qarşı izçen sanktsiyalar siyaseti içün "Büyük yedi devlet" liderlerine teşekkür etti ve Ukrayinağa AB qoşulmaq içün namzet statusınıñ berilmesiniñ müimliigni qayd etti.
"Bu qarar bizim Avropağa integratsiyada ilerilememizni, er kesniñ aytqan Avropa degerlikleriniñ qorunmasına qoşqan issemizni aks ete", - dedi Zelenskıy.
Bundan ğayrı, o, Ukrayina zahiresiniñ ihrac etilüviniñ ögündeki manialarnıñ yoq etilmesiniñ müimligini qayd etti ve dünyada erzaq telükesizligini temin etmek içün semereli mehanizmler üzerinde tüşünmege çağırdı.
İyünniñ 26-nda "Büyük yedi devlet" gruppasınıñ sammiti açıldı. Samitte ABD prezidenti ve Almaniya, Kanada, Frenkistan, Büyük Britaniya, İtaliya, Yaponiya liderleri ve AB reberligi iştirak ete.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
