Ukrayina prezidenti Volodımır Zelenskıy kelecek afta G20 sammitinde iştirak etecek. Bunı noyabrniñ 8-nde matbuat kâtibi Sergey Nikiforov haber etti.
"Nasıldır formatta Volodımır Zelenskıy G20 sammitinde iştirak etecek. Daa ziyade aytıp olamam", - dedi o.
Nikiforov bildirdi ki, bu onlayn format olsa kerek.
Keçken afta Ukrayina prezidenti Volodımır Zelenskıy Ukrayinanıñ G20 sammitinde iştiragi Rusiye lideriniñ anda olıp olmaycağına bağlı olğanını bildirgen edi. Prezidentniñ fikri deñişip deñişmegenini temsilcisi haber etmedi.
Avgust ayında İndoneziya prezidenti Coko Vidodo Vladimir Putin G20 sammitinde iştirak etmek niyetinde olğanını bildirgen edi. Sammiti noyabrni 15-16 künleri Balide keçirilecek.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
