Cebede elâk olğan qırımlı, vatandaş faali, sabıq siyasiy mabüs Gennadiy Afanasyev III derece "Cesürlik" nişanınen taqdirlendi. Bunı Ukrayina Prezidentiniñ Qırım MC daimiy temsilciliginde haber ettiler.
"Ukrayina prezidenti Volodımır Zelenskıy №6/2023 sayılı qararınen, tuvğan Qırımınıñ işğalcilerden azat etilmesi oğrunda fedakârca cenkleşip elâk olğan qırımlı, sabıq siyasiy mabüs, cemaat faali ve cesür askerni yararlıqları içün taqdirledi", - dep yazıla bildirmede.
Aqmescitli fotoressam ve uquqçı Gennadiy Afanasyevniñ adı «qırımlı terroristler» davasınıñ mabüsi olğan soñ meşur oldı. 2014 senesi o, Qırımnıñ Rusiye işğaline qarşı çıqtı, soñra Aqmescitte FSB hadimleri tarafından tutuldı. Onı terakt azırlağanında qabaatladılar. Halqara aq qorçalayıcı teşkilâtlar davanı siyasiy, mabüslerini ise siyasiy mabüs dep adlandırğan edi.
Azat edilgen soñ Gennadiy Afanasyev 2016-2018 seneleri Qırım.Aqiqat müellifi edi.
Gennadiy Afanasyev Ukrayinanı qoluna silâ alıp qorudı, Rusiyeniñ Ukrayinağa qarşı büyük istilâsı başlağan ilk künlerde arbor komissarlıqqa bardı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
