Fevralniñ 8-nde Ukrayina prezidenti Volodımır Zelenskıy Büyük Briatniya baş naziri Rişi Sunak ile körüşmek içün memleketni ziyaret etecek, dep haber ettiler Briatniya ükümeti yolbaşçısınıñ ofisinde
Berilgen malümatqa köre, Zelenskıy şimdi Büyük Briatniyada talimlerde olğan ukrayin arbiylerini de ziyaret etecek ve memleketniñ parlamenti ögünde çıqışta bulunacaq.
Reuters agentliginiñ malümatına köre, Sunak ofisi Ukrayina Silâlı quvetleriniñ deñizde ve avada talimlerini kenişlendirmek ve arbiy tehnikanıñ teslimatını tezleştirmek planları aqqında da ilân etken.
"Prezident Zelenskıynıñ Büyük Britaniyağa kelmesi onıñ memleketiniñ cesaretine, qatiyligine ve küreşine, memleketlerimiz arasındaki sarsılmaz dostluqqa delâlet ete", - dedi Sunak.
Bu, Rusiyeniñ keçken sene Ukrayinağa büyük cenk başlatmasından soñ Ukrayina prezidentiniñ Büyük Britaniyağa ilk barıp kelmesi olacaq.
Keçken sene dekabr soñunda Washington ziyareti Volodımır Zelenskıynıñ Ukrayinağa qarşı büyük Rusiye istilâsı başlağanından ilk çetel ziyareti oldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
