Ukraina prezidenti Volodımır Zelenskıy BMT Baş Assambleyasınıñ komiteti tarafından Qırımda insan aqları vaziyetine dair qarar leyhasınıñ ruhset etilmesini alğışladı ve "Qırım platforması"nıñ da vesiqanıñ metininde olmasını qayd etti.
"Muvaqqat işğal etilgen Qırımda insan aqları vaziyeti ile bağlı qarar leyhasınıñ Baş Assambleyası komiteti tarafından ruhset etilmesini alğışlayım. Bizim "Qırım platforma"mız da leyhanıñ metininde bar! Qararnıñ Baş Assableyası tarafından dekabr ayında qabul etilmesini sabırsızlıqnen bekleyim", - dep yazdı o.
Keçenlerde BMT, Rusiyeni qanunsız apis etilgen Ukraina vatandaşlarınıñ, şu cümleden Qırım.Aqiqat frilanseri Vladislav Yesipenko, Emir-Üsein Kuku, Galina Dovgopolaya, Server Mustafayev, Nariman Celâl ve digerlerini azat etmege çağırğan qarar leyhasını destekledi.
Ukraina prezidenti Volodımır Zelenskıy New Yorktaki BM Baş Assambleyasınıñ 76-ncı sessiyasında çıqışta bulunıp, işğal etilgen Qırımdaki vaziyet aqqında tarif etti.
