Dekabrniñ 20-nde Ukrayina prezidenti Volodımır Zelenskıy Donetsk vilâyetindeki Bahmut şeerine kelip çıqtı. Bunı Ukrayina Mudafaa naziriniñ muavini Ğanna Malâr haber etti.
"Prezident arbiylernen körüşti. Eñ yahşı askerlerni mukâfatladı", - dep qayd etti Malâr.
Prezident Bahmutta olğanı aqqında içtimaiy ağlarda vitse baş nazir Mıhaylo Fedoriv yazdı.
Devlet başınıñ yolculığı evelden ilân etilmedi.
Bahmut yönelişi şimdi cebeniñ eñ qızğın noqtalarından biri sayılır.
Evel Ukrayina Silâlı quvetleri RF ordusı Bahmut ve Avdiyivka yöneleişlerinde ücüm ameliyatlarını devam ettirgenini haber etken edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
