Ukraina prezidenti Volodımır Zelenskıy Ukraina Baş prokurorınıñ vazifesine namzetlerden biri ofisiniñ yolbaşçı muavini Ruslan Râboşapka ola, dep bildirdi. Bu aqta o, jurnalist Pavlo Şeremetniñ öldürüvi boyunca brifing bitken soñ ayttı.
Zelenskıynıñ qayd etkenine köre, Ukrainağa yañı baş prokuror kerek. Bu aqta Azatlıq Radiosı haber ete.
Ukrainanıñ şimdiki baş prokurorı Yuriy Lutsenko resmiy tatilde buluna. İyülniñ 11-nde Prezident ofisiniñ yolbaşçı muavini Ruslan Râboşapka prezident Volodımır Zelenskıy Yuriy Lutsenkonı baş prokuror vazifesinden boşatuv qararını Yuqarı Radağa taqdim etmek içün imzaladı, dep bildirdi. İyülniñ 2-nde Zelenskıy parlamentke tekrar muracaat etip, Lutsenkonı işten boşatmağa rica ete. Bu mesele sessiya salonında daa baqılmadı.
Râboşapka prezident ofisinde yolbaşçı muavini vazifesinde buluna.
