Ukraina prezidenti Volodımır Zelenskıy dekabrniñ 16-17-nde Azerbaycannı resmiy şekilde ziyaret etecek. Bu aqta Azatlıq Radiosı Prezident ofisiniñ matbuat hızmeti bergen malümatqa esaslanıp haber ete.
«Ziyaret vaqtında Azerbaycan devlet yolbaşçısı İlham Aliyev ve baş naziri Ali Asadov ile muzakere keçirilüvi planlaştırıla. Ukraina ve Azerbaycan Cumhuriyeti arasında prioritetli saalardaki işbirliginiñ terenleşmesi içün bir sıra eki taraflı vesiqanıñ imzalanması beklenile», – dep aytıla haberde.
Prezident yazıhanesiniñ malümatına köre, Volodımır Zelenskıy biznes forumında iştirak etecek ve Azerbaycannıñ ukrain cemiyetinen körüşecek.
Ziyaret arfesinde Azerbaycan akimiyeti Ukraina, muhalifet blogeri Elvin İsayevni sürgün etti, dep tasdıqladı. Baku mahkemesi onı apiske almağa qarar çıqardı. Maddesi daa belli degil, Ukraina tarafı da resmiy bir izaat bermedi.
