Ukraina prezidenti Volodımır Zelenskıy Avropa Şurasınıñ baş kâtibi Mariya Peyçinoviç-Büriç ile Rusiye işğal etken qırımdaki vaziyetni ve Kreml mabüslerinin azat etilüv meselesini muzakere etti. Bunı prezidentniñ matbuat hızmeti haber etti.
"Sizni Kyivde (Qırım platformasında) qarşılamağa memnün oldıq ve Qırım yarımadasınıñ işğalden azat etilüvi üzre Avropa Şurası ekspertleriniñ bu halqra mehanizminiñ işinde bunda soñra da faal iştirak etecegiñi bekleymiz", - dedi dedvlet başı.
Ukraina prezidenti ukrain tarafınıñ Mariya Peyçinoviç-Büriçniñ Qırımda insan aqlarınıñ vaziyeti ile bağlı ilk maruzasını beklegenini ve bu müim yönelişte işbirklikke azır olğanına diqqat etti.
"Qırım MC ile memuriy sıñırğa barıp kelmeñiz meseleniñ müimligini daa teren añlamağa yardım etcegine eminim", - dedi Zelenskıy.
Devlet başı Avropa Şurasınıñ baş kâtibini Rusiye qanunsız tevqif etken Ukraina vatandaşlarınıñ azat etilmesinde yardım etmege çağırdı.
Avropa Şurasınıñ baş kâtibi Mariya Peyçinoviç-Büriç Ukrainada iş ziyaretinen bulunıp, Rusiye işğal etken Qırım ve Ukraina qıta arasındaki sıñırnı ziyaret etti.
Ukraina TİN başı Dmıtro Kuleba Avropa Şurasınıñ baş kâtibi Mariya Peyçinoviç-Büriçke muracaat etip, Rusiye tarafından tevqif etilgen ukrainlerniñ, hususan Qırım.Aqiqat frilanseri Vladislav Yesipenkonıñ azat etilmyesine yardım etmesini istedi.
