Ukrayina prezidenti Volodımır Zelenskıy noyabrniñ 30-nda Almaniya kantsleri Olaf Şolts ve Büyük Britaniyanıñ baş naziri Rişi Sunak ile telefon vastasınen laf etti.
"Devlet başı subetdeşine Almaniyadan dört IRIS-T sistemasından ibaret küçlü "qış" mudafaa paketi içün teşekkür eti. Taraflar kelecek işbirlikni muzakere ettiler. Prezident ayrıca Almaniyanıñ çoq yıllıq maliyeviy yardım programması içün minnetdarlığını bildirdi", - dep yazıla bildirmede.
Haber etilgeni kibi, söz cebedeki, Qara deñizdeki vaziyet, "zahire koridorı" aqqqında edi.
Bundan ğayrı Zelenskıy Rişi Sunak ile laqırdı vaqtında Ukrayina Silâlı Quvetleriniñ mudafaa qabiliyetiniñ quvetleştirilmesi ve ava qalqanınıñ pekitilmesi içün prioritetli ihtiyaclarnı muzakere etti.
Daa tafsilâtlı malümat şimdilik yoq.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
