Ukrayina prezidenti Volodımır Zelenskıy ABD-de bulunır eken Ukrayinada Avropa mudafaa merkezini yaratmağa teklif etti.
"Biz bütün kerekli qararlarnı qabul etmege, bürokratiyanı eksiltmege, sımarış bermege azırmız. Daa çoq silâ ve arbiy tehnika istisal etmege azırmız, amma bizim yardımğa ihtiyacımız bar", - dep yazdı o X içtimaiy ağında.
Siyasetçi artilleriya içün mermileriniñ, ava mudafaa sistemalarınıñ, top ve raketa sistemalarınıñ ortaq istisalınıñ inkişafınıñ müimligini qayd etti.
"Birlikte çalışıp halklarımızğan daa çoq iş yerini, küç ve üstünlikler bere bilemiz", - dep qoştı o.
Ukrayina strategik sanayı naziri Oleksandr Kamışin telegramda Zelenskıy Vaşıngtonda Amerikanıñ on esas mudafaa şirketiniñ temsilcisi ile körüşkeni aqqında haber etti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
