Ukrayına prezidenti Volodımır Zelenskıy bildirgenine köre, Ukrayınada noyabrniñ 15-nde 85 raketa darbesi oldı, daa 20 ola bile. Bu aqta o, video muracaatında ayttı.
Onıñ aytqanına köre, Rusiye darbelerniñ çoqusını energetik infrastrukturağa qarşı kerçekleştirdi.
Zelenskıy ukrayınalılarnı sığınaqlarda qalmalarına çağırdı.
Salı künü, noyabrniñ 15-nde, Ukrayınanıñ vilâyetlerinde ava telükesi vaqtında patlav ve viraneler qayd etildi, dep bildirdi yerli akimiyet.
Kyivniñ şeer yolbaşçısı Vitaliy Kliçko Telegram kanalında paytahtqa yapılğan ücüm aqqında yazdı. Bir qaç mesken evge darbe endirilgeni qayd etildi.
Ukrayına Silâlı quvetleri, Rusiye ordusı noyabrniñ 15-16-nda G20 sammiti vaqtında Ukrayınağa büyük raketa darbelerini erdire bile, dep bildirdi.
Rusiye ordusı Ukrayınanıñ kritik infrastruktura obyektlerine muntazam sürette ücüm ete. Ukrayına akimiyetiniñ malümatına köre, Ukrayınada Rusiye atışları sebebinden energetik infrastrukturanıñ tahminen 40%-ı «ciddiy seviyede zarar kördi». Bu sebepten elektrik energiyası sıq-sıq söndürile.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
