2024 senesi Rusiye esirliginden 1358 insan qaytarıldı, dep bildirdi Ukrayina prezidenti Volodımır Zelenskıy.
"2024 senesi biz Rusiye esirliginden Ukrayinağa 1358 adamımıznı qaytarıp oldıq. Bu bizim askerlerimiz ve vatandaşlarımızdır. Bu insanlarnıñ taqdirleri farqlı, amma evge qaytmaqtan olğan quvançları aynı", — dep bildirdi o.
Daa evel, dekabrniñ 30-nda, Zelenskıy, Rusiye esirliginden 189 vatandaş qaytarılğanı aqqında bildirgen edi.
Bundan evelki deñişüv 2024 senesi oktâbrniñ 18-nde olıp keçken edi.
Dekabrniñ başında Macaristan baş naziri Viktor Orban Ukrayina prezidenti Volodımır Zelenskıyge ateşni toqtatmağa ve esirlerni deñişmege teklif etkenini aytqan edi, amma o, red etti. Yañı deñişim BAE vastasınen yapıldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
