New Yorkta Ukraina prezidenti Volodımır Zelenskıy, sentâbr 25-inde New Yorkta AQŞ prezidenti Donald Trumpnen körüşti ve Amerika Ukrainağa qol tutqanı içün tesekkür etti, dep haber ete Ukraina devlet başınıñ matbuat hızmeti.
Hususan, Zelenskıy, "ilk-evelâ, onıñ maqsadı - Qırım ve Donbassnı qaytarmaq" olğanını qayd etti.
"Bizim eki cenkimiz bar. Birincisi - qabarcılıqnen, amma bu cenkte, men eminim, biz yeñermiz. Ve ilk-evelâ, menim maqsadım - Donbassta cenkni toqtatıp, Qırım ve Donbass topraqlarımıznı qaytarmaqtır. Bu işte bizge yardımcı olğanınız içün sağ oluñız", - dedi körüşüv vaqtında Zelenskıy.
Bundan ğayrı, Volodımır Zelenskıy, Ukrainanıñ amerikan yatırımlarda merağını da qayd etti.
AQŞ prezidenti Donald Trump, Ukrainanıñ topraq bütünligi meselesini Rusiye prezidenti Vladimir Putinnen beraber çezmege kerek olğanını ayttı.
Bundan evel Tramp, Rusiye Qırımnı Barak Obama prezidentligi vaqtında zapt etkenini hatırlattı.
