Tutulğan Asan Zekeryayev ömür arqadaşı Emine Zekeryayevanen beraber Aqmescitke alıp ketirildi, dep haber ete «Qırım birdemligi».
Qayd etilgenine köre, aqayı ömür arqadaşı kimligi belli olmağan insanlarnen özü olmasın dep, yanında olmağa istedi. Balaları Emine Zekeryayevanıñ soy-soplarınen qaldı.
«Soy-sopları aytqanına köre, Asan ve ömür arqadaşı Aqmescitke alıp ketirildi. Anda ketemiz. Tahqiqat tedbirlerine meni almadılar – sebebi aytılmadı. Qırım Cumhuriyetine şikâyet berildi», – dep haber etti advokat Edem Semedlâyev.
Avgustnıñ 7-nde saba 30 yaşında Asan Zekeryayevniñ evinde tintüv keçirildi. Bundan soñ erkek belli olmağan yerge alıp ketirildi. Soñra belli olğanına köre, Zekeryayevniñ qorantası Eski Qırımğa ketirildi – yaşağan yerlerinde kene tintüv keçirildi. Evni silâlı insanlar ve zırhlı arabalar sarıp aldı.
Rusiye uquq qoruyıcıları Zekeryayevni ilk sefer tutmay. 2022 senesi yanvar ayında Aqmescitte polis hadimleri oña qarşı qırımlı musulmanlarnıñ davası baqılğan mahkeme binası ögünde olğanı içün protokol tizgen edi. O vaqıt 14 kün memuriy apiste tutuldı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
