Link açıqlığı

Zarar körgen jurnalist: Qırım «halq imayesiniñ» areketleri – qanunsızlıq ve nizamsızlıqtır


Qırım «halq imayesi»nin yarımadanıñ sakinlerine nisbeten areketleri qanunsızlıq ve nizamsızlıqtır.

Böyle sözler ile «Tsentr jurnalistskih rassledovaniy» mühbiri Sergey Mokruşin Qırım.Aqiqat saytına «Qırım imayesi» vekilleri tarafından etilgen yaqalanuvını izaatladı. Onıñ neticesinde o ve onıñ zenaatdaşı Vladlen Melnikov zarar kördiler.

O qayd etti ki, onıñ areketlerinde cinayet alâmetlerini politsiya tapmadı.

«Bizni «halq imayesi» iç bir sebepsiz yaqaladı, kötekledi. Politsiya areketderimizde cinayet alâmetlerini tapmadı, memuriy protokol da tizilmedi. Amma aynı zamanda men samooborona vekilleriniñ ve eki grajdan – Petrov ve Yüryev areketleri boyunca ariza yazdım», – dep bildire Mokruşin.


O, taqiqatçılar ve politsiya vaziyetni ögrenecegine ve Qırım sakinlerine «halq imayesi» vekilleriniñ uquqiy vekâleti boyunca cevapnı berecegine ümüt besley.

«Men şimdi nizamnı nezaret etmegen, nizamnıñ qurulğan uquqiy negizlerini bile bilmegen añlaşılmağan insan taqımlarını körem»,– dedi Mokruşin.

Onıñ sözlerine köre, al-azırda olar bulunğan rayon bölügi insanlar ile toludır. Jurnalist şunı da qayd etti ki, olarnıñ esas qısmı «halq imayesi» tarafından ketirilgendir.

«Bu insanlar nasıldır bir uquqiy bozuluvını etkenini tüşünmeyim. Bu areketler qanunsızlıq ve nizamsızlıqtır», – dedi Mokruşin.

Aqşam iyün 2-de Aqmescitte Qırım «halq imayesi» azaları «Tsentr jurnalistskih rassledovaniy» hadimlerini – muarrir Sergey Mokruşin ve rejissör Vladlen Melnikovnı yaqalağan ediler. Olarnı bir qaç saat devamında «halq imayesi» «ştabında» sorğudan keçire ve sağlığına zarar ketire ediler. Sorğu ve köteklev vaqtında anda Nazirler Şurası yanındaki cemaat şurasınıñ sabıq iştirakçisi Aleksandr Yüryev ve Aqmescit şeer şurasınıñ deputatı Anatoliy Petrov buluna ediler

Bundan soñ matbuat temsilcileri olarnı Merkeziy rayon bölügine alıp kettiler, mında olardan şaatlıqnı yazıp, yolladılar. Aqmescit №6 şeer hastahanesinde Mokruşinniñ qafesine qattı ezik ketirdilgenini qayd ettiler.

«Qırım içki işler nazirligi»nde Qırım Aqiqatqa işbu vaqia boyunca teşkerüvler keçirilgenini ayttılar.
XS
SM
MD
LG