Link açıqlığı

Saatnıñ esas haberi

Zapt etilgen üç ukrain deñizcisiniñ apis müddeti uzatıldı


Qırım Yuqarı mahkemesiniñ binası

Dekabr 19-da Rusiye nezaretindeki Qırım Yuqarı mahkemesi, noyabr 25-te Qırım yalısı yanında zapt etilgen ukrain deñizcileri - “Yañı Qapu” buksiriniñ üyken gemicisi Vladimir Varimez, “Nikopol” kateriniñ üyken gemicisi Andrey Oprısko ve “Yañı Qapu”nıñ miçmanı Yuriy Budzılonıñ apis müddetini uzattı.

Bu aqta Qırım.Aqiqat muhbiri bildirmekte.

Böylece, ukrainler Moskova SİZOsında 2019 senesi yanvar 24-kece bulunacaq.

Şimdilik mahkeme daa eki arbiyniñ tevfiq apellâtsiyasını baqmaqta.

Noyabrniñ 25-nde Rusiyeniñ sıñır gemileri Odesa limanından Azaq deñizinde Mariupolge keçken Ukraina Arbiy deñiz quvetleriniñ gemilerine qarşı «açıq istilâiy areketler» kerçekleştirdi. Rusiyeniñ «Don» sıñır kateri Ukraina Arbiy deñiz quvetleriniñ «Yañı Qapu» reyd buksirine aselet çarptı.

Rusiye FSBsi Ukraina gemilerine qarşı silâ qullanğanını tasdıqladı, mında berilgen malümatqa köre, üç Ukraina cenk gemisi noyabrniñ 25-nde «Rusiye devlet sıñırından qanunsız keçti».

Aqmescit ve Keriç mahkemeleri 24 Ukraina deñizcisini apiske aldı. Olar 2019 senesi yanvarniñ 25-ne qadar apiste qalacaqlar. Ukraina deñizcileri 6 yılğa azatlıqtan marum qala bile. Qırım yalısında zapt etilgen Ukraina deñizcileri noyabrniñ 27-nde Rusiye Ceza kodeksiniñ 322-nci maddesiniñ 3-ünci qısmına istinaden (sıñırdan qanunsız keçiş) qabaatlandı. Esir alınğan Ukraina askerleri Moskvağa avuştırıldı.

Хронология кризиса в море (видео)
Bekleñiz, lütfen

No media source currently available

0:00 0:02:03 0:00

Rusiyeniñ Keriç boğazında yapqanlarını bir sıra Avropa memleketi ve ABD tenqit eteler. NATO, vaziyetni ve Keriç boğazındaki adiselerni diqqatnen közetkenini bildirip, ağır-sabırlı olmağa ve vaziyetniñ daa beterine yol açmamağa çağırdı.

XS
SM
MD
LG