Daa evel üç ölü ve 22 yaralı aqqında haber etilgen edi.
"Şimdilik Zaporijjâ şeerinde 6 vatandaşnıñ elâk olğanı, 22 insan yaralanğanı belli. "Qurtaruv işleri devam ete", — dep aytıla beyanatta.
Zaporijjâ şeer memuriyetiniñ yolbaşçısı İvan Födorov, raketa ücüminden zarar körgen binanıñ viranelerinde dört insan buluna, dep bildirdi.
Dekabrniñ 10-nda saat 15:00 Rusiye ordusı Zaporijjâ merkezine raketa darbesini endirdiler. Daa evel dört insan elâk olğanı aqqında haber etilgen edi, 22 kişi yaralandı, olarnıñ arasında bir bala bar.
Ukrayina baş prokurorınıñ ofisiniñ malümatına köre, patlav neticesinde şahsiy klinika binası ve yanında yerleşken qavehane viran etildi, patlav dalğası ve viranelerden çoq qatlı mesken evler, yerli sakinlerniñ maşinaları zarar kördi.
Rusiye arbiyleri Ukrayina regionlarına çeşit silâlarnen muntazam surette ücüm ete.
Rusiye yolbaşçılığı, Rusiye ordusınıñ, büyük cenk vaqtında, Ukrayina şeerleri ve köyleriniñ grajdan infrastrukturalarına maqsatlı darbeler endirgenini, vatandaş ealisini öldürgenini ve hastahaneler, mektepler, bala bağçaları, energetika ve suv teminatı obyektlerini yoq etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
