Dekabrniñ 6-nda Zaporojjâğa ücümniñ neticesinde elâk olğan 10 insan arasında eki bala bar. Bunı vilâyetniñ arbiy memuriyetiniñ reisi İvan Födorov bildirdi.
"Ölgenlerniñ arasında eki bala bar — "Zaporojjâğa ücümniñ neticesinde rusiyeliler tarafından öldürilgen insanlarnı belgilemege devam eteler. Duşman, cuma künü aqşam insanlar evlerine qaytqan yerniñ faal rayonına ücüm etti", — dep bildirid memur.
Födorovnıñ malümatına köre, 26 insan yaralandı, 10 kişi elâk oldı. Olarnıñ şahsiyetleri şimdi tayin etile.
Dekabrniñ 6-nda aqşam Rusiye ordusı Zaporojjâğa ücüm etti, neticede on insan elâk oldı.
Rusiye arbiyleri muntazam sürette çeşit silâ çeşitleri ile ukrayin regionlarına ücüm ete.
Rusiye yolbaşçılığı, Rusiye ordusınıñ, büyük cenk vaqtında, Ukrayina şeerleri ve köyleriniñ grajdan infrastrukturalarına maqsatlı darbeler endirgenini, vatandaş ealisini öldürgenini ve hastahaneler, mektepler, bala bağçaları, energetika ve suv teminlevi obyektlerini yoq etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
