Oktâbrniñ 15-nde saba saatlarından Zaporijjâğa raketa ücümi neticesinde onlarnen yaşayış binası, tasil müessisesi ve avtomobil turağı zarar kördi, dep haber etti seer şurasınıñ kâtibi Andriy Kurtev.
O, gece usiye ordusı gece Zaporijjâğa kamikadze pilotsız uçqan cihazlarnı atqanını ve saba raketa darbelerini endirgenini hatırlattı.
"Sanayı ve energetika infraterkibiniñ obyektleri virane alına keldi. Patlav dalğasından 21 çoq qatlı bina, 15 hususiy ev, tasil müessisesi ve avtomobil turağı zarar kördi. Adamlar arasında zarar körgenler yoq. Qaza yerinde qurtaruv çalışmaları devam etmekte", -dep qayd etti Kürtev.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
