Ukrayina prezidenti ofisiniñ başı Andriy Yermak, Zaporijjâ vilâyetiniñ Orehovo şeeri yaqınlarında Ukrayina arbiyleri Rusiyeniñ arbiy uçuğını urup tüşürgelerini bildirdi.
"Yançıq arbiylerimiz Orehovo yaqınlarında Rusiyeniñ arbiy uçağını uruş tüşürgenlerini bilbdik", - dep yazdı o Telegram kanalında.
Ukrayina Silâlı Quvetleriniñ malümatına köre, iyünnniñ 5 sabası itibarınen Rusiye ordusı Ukrayinağa qarşı cenkte 210 uçaqtan marum qalğan.
Bundan ğayrı, iyünniñ 5-nde Donetsk vilâyetinde ukryin arbiyleri "İgla" PZRK-dan ateş açıp, KA-52 Rusiye uçağını yoq ettiler.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrayinalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
