Ukrayina ve Rusiye arasında "50ni 50ge" formulasında öldürilgen askerlerniñ cesetleriniñ denişmesi olıp keçti. Bunı iyünniñ 8-nde Ukrayinanıñ vaqtınca işğal etilgen topraqlarınıñ reintegratsiya meseleleri nazirligi haber etti.
Berilgen malümatqa köre, deñişüv cebe sıñırında Zaporijjâ vilâyetinde olıp keçken.
"Mezkür añlaşma Mahsus vaziyetlerde habersiz ğayıp olğan kişiler meseleleri vekâletlisi Oleh Kotenkonıñ iştiraginen aytışmalar neticesinde oldı. 50 qorçalayıcımıznıñ 37-si Azovstalniñ qaramaniy mudafaacısıdır", - dep qayd ettiler nazirlikte.
Ukrayinanıñ vaqtınca işğal etilgen topraqlarınıñ reintegratsiya meseleleri nazirligi, UMNniñ İBİ, UTH, USQniñ GŞ ve Ukrayinanıñ diger küç müessiseleri bu operatsiyanı keçirdiler.
"Öldürilgen ukrayin askerleriniñ cesetlerini qaytaruv esnası devam ete", - dep qoştılar nazirlikte.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
