Ukrayına Mudafaa nazirligi Zaporijjâ vilâyetinde – Rabotıno ve Mala Tokmaçka civarlarında Ukrayına arbiyleriniñ muvafaqiyeti aqqında bildirdi.
«Bölüklerimiz Zaporijjâ vilâyetiniñ Rabotınodan cenübi-şarqında ve Mala Tokmaçkanıñ cenübinde muvafaqiyetli oldı. Duşman Zaporijjâ vilâyetiniñ Rabotıno şarqını tekrar almağa tırıştı. Lâkin muvafaqiyetli olamadı. Rabotınoda uruş işi kete», – dep yazdı Ukrayına mudafaa naziriniñ muavini Ğanna Malâr Telegram kanalında.
Onıñ aytqanına köre, Zaporijjâ ve Herson yönelişlerinde Rusiye ordusı mudafaa ete, amma Kupânsk, Liman, Avdiyıvka, Maryıno yönelişlerinde ücüm etmege tırışa.
Avgustnıñ 21-nde saba Ukrayına Silâlı quvetleriniñ Baş ştabı Rusiye ordusı Kürdümovka rayonında da ücüm etip muvafaqiyetsiz oldı, Donetsk vilâyetiniñ Maryınka rayonında Rusiye ordusı tutula.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
