Zaporijjâ şeer şurasınıñ kâtibi Anatoliy Kurtev şeerde patlav sesleri aqqında bildirdi.
«Zaporijjâda bir qaç patlav oldı. Bir qısmı – şeer civarında duşman darbeleriniñ sedaları. Daa bir qısmı – ava mudafaa quvetleriniñ muvafaqiyetli işi. Bizni qoruğan qaramanlarımız sağ olsun», – dep yazdı o, Telegramda.
Viraneler aqqında şimdilik bir haber yoq.
Zaporijjâda, bütün Ukrayınada olğanı kibi, avadan telüke devam ete.
Zaporijjâ ve vilâyeti Rusiye darbelerine muntazam sürette oğratıla.
Bir sıra delil ve şaatlıqqa baqmadan, Moskva büyük istilâ başlağanından berli vatandaşlarğa ücüm etkenini inkâr ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
