Rusiye kontrolindeki Zaporijjâ vilâyetiniñ işğal etilgen qısmınıñ akimiyeti cebege yaqın 18 mesken yerniñ sakinleri tahliye etilecek, dep bildirdi.
Sözde vali Yevgeniy Balitskiy Telegramda yazğanına köre, laf Timoşevka, Smirnove, Tarasovka, Orlânske, Moloçanskaya, Kuybışevo, Prişib, Tokmak, Mala Belozerka, Vasılyıvka, Velıka Belozerka, Dneprorudne, Mıhaylivka, Kamenka-Dniprovska, Pologov, Konskih Rozdorov, Rozovka sakinleriniñ tahliyesi aqqında kete.
Onıñ aytqanına köre, birinciden balalar ve ana-babaları, esli-başlı insanlar, saqatlığı olğan insanlar ve tibbiy müessise hastaları tahliye etilecek. «Region içinde vaqtınca başqa yerge yerleşüv olacaq», dep ayta Balitskiy.
«Realnoye Zaporojye» Telegram kanalı yazğanına köre, Zaporijjâ vilâyetiniñ işğal altındaki Moloçanske ve Tokmak rayonlarında ana-babalar balalarını «başqa yerge avuştıruvnı» keçirgen Rusiye askerlerinden saqlay. Yerli sakinler tahliye etilgen ukrayınalılarnı başta Berdânskqa, andan ise Rusiyeniñ Rostov-na-Donu şeerine çıqarmağa planlaştıralar, dep haber ete. Balalarnı yibermege istegenlerni Rusiye arbiyleri içtimaiy yardımsız qaldıracaqlar, dep qorquza ekenler, dey yerli sakinler.
Melitopolniñ Ukrayına şeer mahkemesi İvan Fedorov şeer yaqarlıq stantsiyalarında Rusiye arbiyleriniñ büyük nevbetleri bar, dep bildirdi.
Tam istilâ başlağanda Rusiye ordusı Zaporijjâ vilâyetiniñ bir qısmını işğal etti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
