Zaporijjâ akimiyeti oktâbrniñ 7-ne keçer gecesi şeerge kamikadze-dronlarınen ücüm etildi, dep bildire. Zaporijjâğa qarşı yapılğan tünevinki raketa ücüminiñ qurban sayısı 11 oldı.
Darbe tahminen yarı gecede Shahed-136 İran uçucısızlarınen endirildi, dep haber ete Zaporijjâ vilâyeti arbiy memuriyetiniñ yolbaşçısı Aleksandr Staruh.
«Duşman vilâyet merkezine ücüm etti. Şeerniñ eki rayonında infrastruktura obyektleri viran etildi. Bugün işğalci uçucısız apparatlarnı ilk sefer qullandı. İlk malümatqa köre, Shahed-136 uçucısızları edi. Şu sebepten şeer sakinleri küçlü patlavlar eşitmedi», – dep yazdı Staruh.
Onıñ aytqanına köre, bir kişi yaralandı, onı hastahanege alğanlar.
Ukrayına Telegram kanalları bildirgenine köre, İran uçucısızları Mıkolayıv ve civarlarına ücüm etti. "Novosti Nikolayeva" kanalı motor ve patlav sesleri, reaktiv uçaq sesine oşağan bir şeynen video derc etti.
Qurtarıcılar tünevin Zaporijjâğa yapılğan raketa darbesi neticesinde 11 insan can berdi. Ukrayına fevqulâde vaziyetler devlet hızmetiniñ malümatına köre, beş qatlı evniñ altından can bergen 8 kişiniñ cesedi çıqarıldı, dört qatlı evniñ altından – daa üç kişi.
21 insan qurtarıldı, 20-si hastahanege alındı.
Qurtarıcılar çalışmağa devam ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
