Ukrayina prezidenti ofisiniñ yolbaşçısı Andriy Yermak ve Ukrayina Silâlı quvetleriniñ baş komandanı Valeriy Zalujnıy ABD prezidentiniñ milliy telükesizlik mesleatçısı Ceyk Sallivan ve ABD Birleşken ştablar reisleri komitetiniñ yolbaşçısı Mark Milli ile laf ettiler. Bunı prezident ofisi haber etti.
Yermak ve Zalujnıy amerikalı memurlarğa cebedeki, şu cümleden Donetsk vilâyetindeki ve Ukrayinanıñ şarqındaki vaziyet aqqında aytıp berdiler.
"Bundan ğayrı yaqın kelecekte duşmannıñ ola bilecek areketlerine dair fikir paylaştıq", - dep qoştılar Prezident ofisinde.
Berilgen malümatqa köre, laqırda vaqtında Yermak, prezident Volodımır Zelenskıy ve "bütün akimiyet taqımı akimiyet organlarını qabarcılıq telükelerinden temizlemege er taraflı yardım etmek qararlıdır" dep inandırğan.
Ukrayina Mudafaa nazirliginiñ Baş istihbarat idaresinde, Ukrayina cenkniñ "pek faal safhası" arfesinde olğanını bildireler.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
