Link açıqlığı

Zakarpatye Qırımdan köçip kelgen tahminen 100 insannı qabul etti


Zakarpatyede işğal etilgen Qırım ve Aqmescitten köçip kelgenlerni qabul etmege devam ete.

Zakarpatye vilâyet memuriyetiniñ eali içtimaiy qoruv departamenti bergen malümatqa köre, aprel 25 künge Qırım ve Aqmescitten vilâyetke 127 insan kelgen eken.

«Olardan 84 – grajdan ealisi, 43 arbiy hızmetçiler qoranta azaları ile», – denile beyanatta.

Mında şunı da qayd ettiler ki, yarımadadan vaqtınca yaşamaq içün kelgen insanlarnı qabul etmege azır olğan qorantalarnıñ esabatı alıp barıla, «canlı bağ» açılğan, köçüv ile bağlı sualler boyunca regional bölük çalışmaqta.

Zakarpatye vilâyet devlet memuriyetiniñ malümatına köre, köçip kelgenler yataqhanelerde, sanatoriy ve turbazalarda yerleşe. Bundan da ğayrı, vilâyet şurasınıñ sessiyasında mütenasip vilâyet programmasına deñişmeler kirsetildi ve qoşma 1,9 mln grn ayırıldı.
XS
SM
MD
LG