Link açıqlığı

Saatnıñ esas haberi

Zafer künü Aqmescitte bayram kontsertinen devam etti


Aqmescitte mayısnıñ 9-nda aqşam Sovetlerniñ ve Rusiyeniñ Zafer kününi qayd etmege devam eteler. Al-azırda Lenin meydanında bayram kontserti keçirile.

«Tedbir adet üzre şeerniñ merkeziy meydanında – Lenin meydanında keçirile. Seyirciler ögünde oyun ve vokal taqımları çıqışta buluna, artistler arbiy yırlarnı icra ete. Kontsert saat 22.00-da Aqmescitte kökni aydınlatacaq feyyerverknen bitecek», – dep bildire «RİA-Krım» Rusiye neşiri.

Aqmescitte Zafer künü mayısnıñ 9-nda kündüz qayd etilip başladı. Zafer künü Lenin meydanında arbiy tehnika ve silâ numayışından başlandı.

Şeerde arbiy parad, «Ölümsiz polk» Rusiye aktsiyası keçirildi. Şeer sakinleri ögünde Qırımnıñ Rusiye yolbaşçısı Sergey Aksenov ve parlament spikeri Vladimir Konstantinov sözge çıqtılar.

Rusiye işğal etken Qırımda 2014 senesinden soñ «Zafer künü» sovet ve Rusiye bayramı Qızıl Ordu ve sovet halqınıñ natsist Almaniyanı yeñgen bayramı olaraq qayd etilmekte. Ukrainada mayısnıñ 8-nde Hatıra ve barışıq künü qayd etilmekte, mayısnıñ 9-nda – Ekinci cian cenkinde natsizmni yeñüv künü.

XS
SM
MD
LG