Rusiye Kommunistik firqasını lideri Gennadiy Züganov Peterburgda şeerge evelki Leningrad adınıñ qaytarılması boyunca referendumnı keçirmege teklif etti.
Bunı Rusiyeniñ baş kommunisti «Russkaya slujba novostey» radiosına bildirdi.
«Ulu Vatan cenkinden soñ tek eki şeerniñ adı deñişti – Leningrad ve Stalingrad. Olar qaraman şeer unvanına tesadüfen lâyıq olmadılar. Dünyada bu şeerlerni Leningrad ve Stalingrad kibi tanıylar. Bu teşebbüs ile bir qaç kere çıqqan edik, akimiyet alâ daa razı olmay. Şimdiki Sankt-Peterburg grajdanlarına muracaat etmelimiz», – dedi o.
Federatsiya Şurasınıñ azası Vadim Tülpanov vatandaşlar öz mevamını 1991 senesi, Leningrad Sankt-Peterburg olğan vaqıtta bildirgenini qayd etti.
«20 yılda bir kere referendumnı keçirmege acet barmı? Men bunıñ manasını körmeyim. Şeer adınen beraber taqdirini de qabul ete. Misal: Sankt-Peterburgnıñ adını Petrograd qoydılar, tezden o paytaht olaraq sayılmay başladı. Şunıñ içün, fikrimce, Peterburgnı Leningrad etmege keremey», – dedi Tülpanov.
Sankt-Peterburg 1914 senesi avgust ayında Petrograd oldı. 1924 senesi yanvarde Leningrad, 1991 senesi, referendum neticesinde, tarihiy adını qaytarıp, Sankt-Peterburg oldı.
Hatırlatamız, yaqında Rusiye Volgograd şeerine Stalingrad adı qaytarıla bilecegi aqqında malümat peyda olğan edi. Böyle teklif ile prezident Vladimir Putinge Ekinci cian cenkiniñ veteranlarından birisi bulundı. Putin regional referendumnı teşkil etmege mümkün olğanını ayttı.
Bunı Rusiyeniñ baş kommunisti «Russkaya slujba novostey» radiosına bildirdi.
«Ulu Vatan cenkinden soñ tek eki şeerniñ adı deñişti – Leningrad ve Stalingrad. Olar qaraman şeer unvanına tesadüfen lâyıq olmadılar. Dünyada bu şeerlerni Leningrad ve Stalingrad kibi tanıylar. Bu teşebbüs ile bir qaç kere çıqqan edik, akimiyet alâ daa razı olmay. Şimdiki Sankt-Peterburg grajdanlarına muracaat etmelimiz», – dedi o.
Federatsiya Şurasınıñ azası Vadim Tülpanov vatandaşlar öz mevamını 1991 senesi, Leningrad Sankt-Peterburg olğan vaqıtta bildirgenini qayd etti.
«20 yılda bir kere referendumnı keçirmege acet barmı? Men bunıñ manasını körmeyim. Şeer adınen beraber taqdirini de qabul ete. Misal: Sankt-Peterburgnıñ adını Petrograd qoydılar, tezden o paytaht olaraq sayılmay başladı. Şunıñ içün, fikrimce, Peterburgnı Leningrad etmege keremey», – dedi Tülpanov.
Sankt-Peterburg 1914 senesi avgust ayında Petrograd oldı. 1924 senesi yanvarde Leningrad, 1991 senesi, referendum neticesinde, tarihiy adını qaytarıp, Sankt-Peterburg oldı.
Hatırlatamız, yaqında Rusiye Volgograd şeerine Stalingrad adı qaytarıla bilecegi aqqında malümat peyda olğan edi. Böyle teklif ile prezident Vladimir Putinge Ekinci cian cenkiniñ veteranlarından birisi bulundı. Putin regional referendumnı teşkil etmege mümkün olğanını ayttı.
