Rusiye quvetçileri 2014 senesinden başlap Noman Çelebicihan batalyonında iştirak etkeninde qabaatlap, eñ azından 46 insannı yaqaladı, olarnıñ arasında 18 qırımlı bar, dep bildire Qırımtatar resurs merkezi (QRM), cedvelni derc etip.
"2014 senesinden başlap Qırımtatar Resurs Merkezi Noman Çelebicihan batalyonında iştirak etkeninde qabaatlanıp eñ azından 46 kişi tutulğanını qayd etti: 18 — işğal etilgen Qırımda, 28 — Herson vilâyetinde 2022 senesi fevralniñ 24-nden soñ. Bu insanlar Noman Çelebicihan adına göñülli batalyonında iştirak etkeninde qabaatlanalar", — dep aytıla haberde.
Aynı zamanda QRM bu qabaatlav boyunca tutulğan tek 7 qırımlınıñ adını ayta, qalğan 11 kişiniñ adı belli degil, ya da olarnıñ malümatı alına.
Aprel ayında Qırımtatar resurs merkezi 2014 senesinden başlap eñ azından 41 insan "Noman Çelebicihan adına qırımtatar göñülli batalyonında" iştirak etkeninde qabaatlanıp tutulğanını bildirdi.
2022 senesi Rusiye FSB-si Noman Çelebicihan adına Qırımtatar göñülli batalyonını "terroristik teşkilâtlar" cedveline kirsetti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
