Onıñ aytqanına köre, işğal etilgen yarımada Rusiye içün arbiy logistika ve tedarik noqtaiy-nazarından strategik olaraq müimdir, çünki Rusiye ordusı yarımadanı arbiy baza olaraq qullana.
"Biz epimiz saatqa baqıp, Qırım köprü daa 15 daqqa yaşaycaq, dep aytmaq isteymiz. Kerçeklik daa qıyın", — dep ayttı o KIYİV24 efirinde.
Yusov qayd etti ki, Ukrayina mudafaa quvetleriniñ Qırımnı qaytarmaq ve yarımadanı Rusiye Federatsiyası ile bağlağan Keriç köprüni yoq etmek planı bar. Onıñ aytqanına köre, tafsilâtlar, evelki vaqialarda olğanı kibi, ameliyatnıñ semereliligine keder etmemek içün aydınlatılmaycaq.
Keriç köprü Rusiye territoriyasından işğal etilgen Qırımğa esas naqliyatnı temin ete ve Qırım yarımadasına arbiy mallarnı ketirmek içün qullanıla.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
