Qırım yalısına tüşürüv yapqan ukrayinalı keşfiyatçılar uruş vaqtında Rusiye bölüklerini ğayıplarğa oğrattı. Bunı Ukrayina Mudafaa nazirliginiñ Baş istihbarat idaresiniñ temsilcisi Andriy Yusov bildirdi.
Yusov, Ukrayina mahsus quvetleri arasında ğayıplar bar, amma "olar ruslarnıñ ğayıplar ile teñştirilmez", dep bildirdi.
"krayina Mudafaa nazirliginiñ Baş istihbarat idaresiniñ bir qaç mahsus bölügi Qırımnıñ ğarbiy yalısına desat tüşürdi. Anda işğalcilerniñ quvetelri ile uruş yüz berdi. Duşman quvetleri bayağı zarar kördi", - dep ayttı o.
Bugün biraz evel RF Mudafaa nazirligi Ukrayina Silâlı quvetleriniñ diversiya gruppasınıñ Qırımğa desat tüşürmek ıntıluvını toqtattı. Olarnıñ malümatına köre, eki gidrotsikl ve katernen areket etken desant gruppası Tarhankut tarafına yol tuta edi.
Bundan ğayrı RF FSB-sı ücümniñ qarşısını almaq içün ameliyatnıñ bir azası esir alınğan. Muarririyet bu malümat doğru olıp olmağanını tasdqlap olamay.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
