Yürek hastalığınen çekişken siyasiy mabüs Amet Suleymanovğa SİZO-da üç ay içinde üç kere flüorografiya yapqnlar. Bunı onıñ apayı Lilâ Lümanov "Detektor media"ğa intervyü berir eken bilidrdi. Onıñ sözlerine köre, siyasiy mabüsniñ protsedaradan red etmek imkânı yoq eken.
"Daa yan rentgen yapacaqları aqqında yaqında yazdı. Er sefer evelden haber etilmey, yapılacaqta aytıla. Saylav aqqı yoq. Ne içün bunı yapalar? Sebep şunda ki, sentâbrniñ 27-nde bizim şikâyetimiz baqılacaq ve olar sanki bir şey yapqanlarını köstermek kerekler", - dep qayd etti o.
Lümanovanıñ fikrince, bütün bular Qırımda öz aqlarını, şu cümleden sağlıq aqqını da qorumaq imkânsızdır.
ZMINA insan aqları merkezi Rusiye tarafından apis cezasına mahküm etilgen qırımtatar Amet Suleymanov Qırımdan Vladimir şeerindeki "T-2 Vladimirskiy tsentral"ğa etap etilgenini haber etti.
2021 senesi Rusiye mahkemesi Amet Suleymanovnı «Hizb ut-Tahrir davasına» istinaden 12 yılğa üküm etti.
Suleymanov sağlıq vaziyeti sebebinden 3 yıl ev apsinde edi. Jurnalistniñ yürekniñ arteriya ve mitral yetmemezligi bar, yürek klapanı acele deñiştirilmeli.
Bu yıl aprelniñ 6-nda Amet Suleymanov apiske alınıp, izolâtorğa qapatıldı. Advokat Emil Kurbedinovnıñ malümatına köre, Suleymanovnıñ baş ve yürek ağrıları ola.
«Memorial» aq qorçalayıcı merkezi Amet Suleymanovnı siyasiy mabüs dep tanıdı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
