Yuqarı Radanıñ "Avropa birdemligi" ve "Ses" fraktsiyalarından olğan deputatları Qırımdaki siyasiy mabüslerni desteklemek içün futbolkalar kiydi. Bunıñ aqqında millet vekili Öleksiy Gonçarenko Facebookta haber etti.
"Bu, işğalcilerniñ apishanelerinde tutulğan qırımtatarlarğa destek alâmetidir. Cenkniñ ve Şarqta ola bilgen kerginleşmeniñ arqasında Qırımnı unutmaq mümkün degil", - dep yazdı Gonçarenko.
Depuatlarnıñ kiygen futbolkalarda 120-den çoq Qırımlı siyasiy mabüsniñ ad ve soyadları yazılğan, şu cümleden Vladislav Yesipenko. Futbolkalar üzerinde qırımtata milily bayrağınıñ fragmenti ile Sergey Maydukovnıñ resmi bar.
Ukraina prezidenti Volodımır Zelenskıy Kreml ukrainalı siyasiy mabüslerni, hususan qırımlılarnıñ Rusiye apsinden azat etüv esnasını «aqsata», dep aytqan edi.
Qırımnıñ Rusiye yolbaşçısı Sergey Aksenov Qırımda siyasiy mabüsler «kesen-kes yoq», dep israr ete.
Rusiye Tış işler naziri Sergey Lavrov işğal altındaki Qırımda insan aqlarınıñ bozuluvı aqqında laflar uydurıla, dep bildirgen edi. Rusiye insan aqları vekâletlisi Tatyana Moskalkova Qırımda «milletlerara ve dinlerara barışıq» bar ve tamır halqqa yardım kösterile, dep aytqan edi.
