Link açıqlığı

Saatnıñ esas haberi

Yuqarı Radada Parubiyni istifağa yollamaq içün imzalar toplana – deputat


Andriy Parubiy

Ukraina Yuqarı Radasında aprelniñ 23-nde parlament spikeri Andriy Parubiyni vazifeden çıqarmaq içün imzalarnı toplap başladılar. Bu aqta «Vidrocennâ» firqasınıñ deputatı Valeriy Pisarenko bildirdi, dep haber ete Azatlıq Radiosı.

«Qanunsızlıq, adaletsizlik ve cezasızlıq devrini bitirmege vaqıt keldi, dep tüşünem», – dep yazdı Pisarenko Facebookta.

Onıñ qayd etkenine köre, bu prezident saylavlarınıñ ğalibi Volodımır Zelenskıy ile işbirligi tutqanını köstermey.

«Vaqıt keldi», – dep qayd etti deputat.

Andriy Parubiy Yuqarı Radanıñ spikeri olaraq 2016 senesi aprel ayında saylanğan edi. O, halq deputatınıñ teşebbüsini daa izaatlamadı.

Merkeziy saylav komissiyası ekinci turı aprelniñ 21-nde keçirilgen Ukraina prezidenti saylavları prokotollarınıñ 100%-ını teşkerdi.

Bu malümatqa köre, şoumen Volodımır Zelenskıy 13 541 530 rey (73.22%) qazandı, Ukrainanıñ şimdiki prezidenti Petro Poroşenkoğa ise 4 522 320 saylayıcı (24,54%) qoltuttı.

XS
SM
MD
LG