Yuqarı Radada nevbetten tış toplaşuv başladı. Azatlıq Radiosı onı canlı yayında köstere.
Ukraina prezidenti Volodımır Zelenskıy Yuqarı Rada spikeri Andriy Parubiyden halq deputatlarınıñ saylavları qanunına deñişmeler kirsetmek içün parlamentniñ nevbetten tış toplaşuvınıñ keçirilmesini mayısnıñ 22-ne belgilemesini rica etken edi.
Yuqarı Rada deputatları mayısnıñ 22-nde bildirgenine köre, Ukraina prezidenti Volodımır Zelenskıy toplaşuvda acele kibi baqmağa teklif etken saylavlar qanun leyhasını daa almadı.
Prezidentniñ saytında mayısnıñ 21-nde Ukraina Yuqarı Radasını dağıtuv buyruğı derc etilgen ve nevbetten tış parlament saylavlarınıñ keçirilmesi iyülniñ 21-ne belgilendi.
Ukraina Anayasasına köre, nevbetten tış parlament saylavları Ukraina Yuqarı Radasınıñ vekâletleri vaqtından evel toqtatılğanına dair qarar derc etilgeninden 60 kün içinde keçirile.
