Ukrayina Yuqarı Radası Devlet mülkü fondunıñ yolbaşçısı Rustem Umerovnı vazifesinden boşattı. Bunı sentâbrniñ 5-nde millet vekilleri Yaroslav Jeleznâk ve Oleksiy Gonçarenko bildirdi.
Gonçarenkonıñ bildirgeni kibi, 302 millet vekili bu qararğa qoltutqan.
"Mudafaa naziri vazifesine yol açıq", - dep ayttı o.
Bundan ğayrı parlament Monopoliyağa qarşı komitetniñ yolbaşçısı Olga Pesçanskayanı vazifesinde boşatqan, buña 306 millet vekili qoltutqan.
Evel Yuqarı Rada Ukrayina Mudafaa naziri Oleksiy Reznikovnı vazifesinde boşattı. Onıñ yerine Umerovnıñ yañı Mudafaa naziri olması beklenile
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
