Ukraina Yuqarı Radası aprelniñ 25-nde keçirilgen umumiy toplaşuvda «Ukrain tiliniñ devlet tili olaraq işlevine dair» qanunnı qabul etti.
278 halq deputatı qanunğa rey berdi, 38-i qarşı çıqtı.
Yuqarı Rada ögünde til qanun leyhasını qabul etmege talap etkenlerniñ mitingi keçirilmekte.
«Ukrain tiliniñ devlet tili olaraq işlevine dair» qanun leyhası 2018 senesi oktâbr ayında Yuqarı Radada birinci oquvda qabul etilgen edi.
Fevralniñ 28-nde Yuqarı Rada til qanunınıñ ekinci oquvda baqılmasını başlattı. Ekinci oquvğa qadar qanun leyhasına 2100 tüzetüv teklif etilgen edi.
2018 senesi fevralniñ 28-nde Ukraina Anayasa mahkemesi «Devlet til siyasetiniñ esasları» qanunını («Kolesniçenko-Kivalov» qanunını) anayasadan tış olaraq tanıdı, çünki Yuqarı Rada onı baquv ve qabul etüv nizamını bozğan edi. Bu qarar mecburiy, soñki ve şikâyet etilmeycek olaraq tanıldı. O vaqıttan berli ve bugünge qadar Ukrainada devlet tili qanunı yoq edi.
Ukraina prezident saylavlarınıñ lideri Volodımır Zelenskıy ve şimdiki devlet yolbaşçısı Petro Poroşenko aprelniñ 21-nde Ukraina prezidenti saylavlarınıñ ekinci turı keçirilgen soñ ukrain tiline qoltutqanlarını bildirdiler.
