Ukrayina Yuqarı Radası Türkiye ile yüksek tehnologiyalar saasında işbirlik aqqında añlaşmanı tasdıqladı. Bu qararnı Ukrayina millet vekilleri dekabrniñ 13-nde qabul ettiler.
Vesiqağa 332 Ukrayina millet vekili qoltuttı, qarşı çıqqanlar yoq.
Söz, Kıyiv ve Ankaranıñ 2022 senesiniñ fevral ayında imzalağan añlaşma aqqındadır. O zaman Türkiyeden delegatsiyanıñ Ukrayinağa ziyareti çerçivesinde memleketler arasında, hususan da Ukrainada Bayrktar pilotsız uçaqlarınıñ istisalı içün zavodnıñ quruluvını közde tutqan çerçive añlaşması imzalanğan edi.
Avgust ayında Baykar Türkiye şirketi Ukrayinada qayd olunıp, Bayraktar pilotsız uçaqlarnı yapıp çıqaracaq zavodnıñ quruluvı içün arsa satın aldı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
