Ukraina Yuqarı Radası "Qırım Muhtar Cumhuriyetiniñ muvaqqat işğaline yardım etken faktlarnıñ tahqiq etilmesi içün Muvaqqat tahqiqat komitetiniñ yaratılması aqqında" qarar qabul etti. Bunıñ aqqında parlamentniñ saytında haber etile.
Komissiyanıñ teşkil etilmesiniñ teşebbüsçisi "Halq hızmetçisi" fraktsiyasından Ukraina millet vekili, Qırım sakini Yelizavetta Bogutskayadır. Onıñ teklifine 229 millet vekili qoltuttı.
Komissiya "2013-2014 seneleri Ukraina devlet organlarınıñ ve Rusiye Federatsiyasınıñ yerli yerli özidare organlarınıñ vazifedar şahıslarınıñ Qırımda yardım köstermesi faktları aqqında malümatnı" teşkermek kerek.
Bundan ğayrı, komissiya Qırımnıñ işğaliniñ sebepleri ile bağlı ayrı-ayrı şahıslardan, işhanelerden, müessiselerden , icra akimiyetiniñ merkeziy ve yerli özidare organlarından ve olarnıñ vazifedar şahıslarından malümatı toplamalı ve izaat almalıdır.
2020 senesi oktâbr ayında Ukraina prezidenti Volodımır Zelenskıy Qırımnıñ Rusiye tarafından işğal etilmesinde qabaatı olğanlarnıñ mesülietke çekilmesini istegenini bildirgen edi.
