Ukraina Yuqarı Radası mudafaa naziri Stepan Poltorak ve Ukraina telükesizlik hızmetiniñ yolbaşçısı Vasıl Ğrıtsaknıñ istifa qararlarına qoltutmadı, dep bildire Azatlıq Radiosı.
Stepan Poltoraknıñ vazifesinden boşatılmasına talap etilgen 226 deputattan 67-si rey berdi.
Ğrıtsaknıñ istifasına qararnı qabul etmek içün kerek olğan 226 halq deputatından 78-i qoltuttı.
Stepan Poltorak mayısnıñ 20-nde mudafaa naziri vazifesinden istifağa çıqtı. O, 2014 senesi oktâbrniñ 14-nden berli Mudafaa nazirliginiñ yolbaşçısı ola.
2015 senesi iyülniñ 2-nden berli Ukraina telükesizlik hızmetiniñ yolbaşçısı olğan Vasıl Ğrıtsak mayısnıñ 20-nde istifağa çıqtı.
İyünniñ 6-nda Yuqarı Rada Pavlo Klimkinniñ istifasını red etti.
Mayısnıñ 17-nde Klimkin istifağa çıqqanını bildirdi. O, 2014 senesi iyünniñ 19-ndan berli Tış işler nazirliginiñ yolbaşçısı ola.
