Ukraina Yuqarı Radası Pavlo Klimkinni Ukraina Tış işler naziri vazifesinden boşatmağa razı olmadı, dep bildire Azatlıq Radiosı.
Parlament Klimkinniñ istifasına dair eki qararnı baqtı – Radanıñ tış işler komiteti ve prezident Volodımır Zelenskıy bergen qararlarını. №10367 qarar leyhasına kerek olğan 226 deputattan 141-i rey berdi, №10346 leyhağa – 137.
Mayısnıñ 17-nde Klimkin istifağa çıqqanını bildirdi. O, 2014 senesi iyünniñ 19-ndan berli Tış işler nazirliginiñ yolbaşçısı ola.
