Yunanistan parlamenti yanvarniñ 22-nde prezident olaraq ilk sefer qadınnı sayladı. Prezident vazifesini Yunanistannıñ yuqarı memuriy mahkemesiniñ yolbaşçısı Yekaterini Sakellaropulu aldı, dep haber ete Azatlıq Radiosı.
Sakellaropuluğa 300 parlament azasından 261-i rey berdi. O, martnıñ 13-nde ant etecek.
Sakellaropulu Yunanistannıñ Devlet şurasınıñ başına keçken ilk qadın da olğan edi, dep qayd ete Reuters.
Yunanistanda prezident vazifesi nominal ve merasim çizgisini taşımaqta. Prezident yunan ordusınıñ baş komandanı ola, ükümet erkânını ve yañı qanunlarnı tasdıqlay.
