YouTube videohostingi "Rus cemiyeti" teşkilâtınıñ eki kanalını sildi. Esas kanalnıñ 1 milliondan ziyade abunecisi bar edi. "Rus cemiyetiniñ" koordinatorı Andrey Tkaçuknıñ telegram kanalında yazğanına köre, saytnıñ ekstremist cemiyetlerniñ reklamasına yasaq sebep oldı. Kanalnıñ yoq etilmesi aqqında "Dojd" ve SOTA da yaza.
"Rus cemiyetiniñ" esas kanalı silindi. Bizde yedek kanalımız bar edi, anda 30 ya da 50 biñ abuneci bar edi, onı da birden yoq ettiler",— dep yaza Tkaçuk.
Teşkilât meydançıqnıñ qararına itiraz bildirmege tırıştı, çünki Rusiyede "Rus cemiyeti" ekstremist teşkilât sayılmay, "gönülliler cemiyeti" ola. YouTube-nıñ cevabı bildirilmey, amma kanallar blok etilmegen kibi körüne.
"Rus cemiyeti" Rusiyeniñ Ukrayinağa istilâsına qol tuta ve bunı milletçi noqta-i nazarlardan yapa, teşkilâtnıñ esas faaliyeti migratsiya ile küreş.
Mayıs ayında BBC jurnalistleri "Rus cemiyeti" siyasiy ekspert Sergey Miheyev ve milliarder İgor Hudoqorovnıñ fondları tarafından desteklengenini ögrendi.